کەشناسی هەرێم... پرزە واران لە ناوچە کویەیلەی هەرێم وارێد

شەفەق نیوز/ دەسەی کەشناسی هەرێم کوردستان، ئمڕوو جومعە، پیشبینیەیل کەشوهەوا لە 48 ساعەت ئایندە لەپارێزگایەیل هەرێم کوردستان راگەیان.

دەسەگە لە بەیاننامیگ رەسیە ئاژانس شەفەق نیوز راگەیان، ئمڕوو ئاسمان هەرێم کوردستان ئەورە وەگەرد هەبوین تاوا واران وبەڵاچە، لە سەرەتا واران وارینەگە وە شیوەی پرزەس لە ناوچە کویەیلەیل و دهۆک دویای لەدویایی ناوچەیل تریش گرێدەو، پلەی گەرما 2-3 پلە داوەزین وڵ خوەی دوینێد لە چەو توومارەیل دویکە.

لەباوت کەشوهەوای سوو شەممە راگەیان، ئاسمان وە گشتی ئەورە وەگەرد واران کەمیگ لە فرەیگ ناوچەیلە، ک لە ناوچە کویلە فرەترە، کاریگەری ئی ناجیگیرە تا رووژ یەکشەممە وەردەوامە، و پلەی گەرما 1-3  پلە داوەزێد.

دیاری بەرزترین پلەی گەرمای پیشبینیکریاگ ئەرا شارەیل هەرێم کوردستان وەیجویرە کرد:

هەولێر     :  28 پلەى سیلیزى

سلێمانی    :  28 پلەى سیلیزى

دهۆک     :  27 پلەى سیلیزى

کەرکوک  : 32 پلەى سیلیزى

هەڵەبجە   :  29 پلەى سیلیزى

زاخۆ      :  28 پلەى سیلیزى

سۆران    :  27 پلەى سیلیزى

گەرمیان  :  32 پلەى سیلیزى.