کەشناسی هەرێم.. کاریگەری بارستە وای هوونکیگ روی لە ناوچەگە کەێد

شەفەق نیوز ـ هەرێم کوردستان

وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو چوارشەممە، راگەیان  کاریگەری بارستە وای هونکیگ روی لە ناوچەگە کەێد پلەی گەرمی داوەزیان وەپی دوینێد.

وەڕێوەبەرایەتیەگە لە بەیاننامەیگ راگەیان "ئمڕوو ئاسمان ساماڵ بوود وەرد دروسبوین بڕیگ لەکە ئەور لە وەخت و شوین جیاجیا، و پلەی گەرمی نزیکە لە توومارەیل دویەکە".

ئەرا کەشوهەوای سوو پەنجشەممە راگەیان "ئاسمان ساماڵ بوود وەرد کاریگەری بارستە وای هونکیگ وەبان ناوچەگەمان کە پلەی گەرمی نزمەوکەێد وە وە گشتی وە (2 – 4 ) پلە بەراورد وە ئمڕوو داوەزێد".

بەرزترین پلەی گەرمی مەزەنەکریاگ وە سیلیزی:

هەولێر: 41 پلەی سیلیزی 

پیرمام: 38 پلەی سیلیزی

سلێمانی: 40 پلەی سیلیزی

هەڵەبجە:42 پلەی سیلیزی 

چەمچەماڵ: 41 پلەی سیلیزی

دهۆک: 39 پلەی سیلیزی

زاخۆ: 41 پلەی سیلیزی 

ئاکرێ:42 پلەی سیلیزی 

گەرمیان:44 پلەی سیلیزی 

حاجی ئۆمەران:31 پلەی سیلیزی.