کەشناسی... شەپوولیگ سەرما روی لە هەرێم کەێد

کەشناسی... شەپوولیگ سەرما روی لە هەرێم کەێد
2023-02-06T09:39:33+00:00
شەفەق نیوز/ وەرێەوبەرایەتی کەشناسی زەویلەرزەی هەرێم کوردستان، ئمڕوو دووشەممە، کەشوهەوای دوو رووژ راگەیان و مەزەنەکەێد شەپوولیگ سەرما روی لە هەرێم بکەێد.

وەپای بەیاننامەی وەزارەتەگە ک رەسیە ئاژانس شەفەق نیوز راگەیان، شەپوولەگە لە سوو سێشەممە دەسوەپی کەێد و تا رووژ چوارشەممەی هەفتەی ئایندە وەردەوامە، پلەی گەرما لە فرەیگ لە ناوچە و سەنتەر شارەیل ئەرا ژیر سفر سەدی داوەزێد.

لە باوەت کەشوهەوای ئمڕوو و سوو هەرێم وەڕێەوبەرایەتیەگە راگەیان، ئمڕوو ئاسمان هەرێم وە گشتی ئەورە و نمە واران لە فرەی شارەیل هەرێم وارێد و لە وەختەیل دویای نیمەڕوو و ئیوارە وفر لە ناوچە کویەیلە وارێد،  و لە بڕیگ ناوچەیل هەرێم شیواز واران وارینەگە ئەرا تاوە واران و بەڵاچە ئاڵشتبوود وە تایبەت لە باشوور و خوەرئاوای هەرێم .

سوو سیشەمەیش ئاسمان وە گشتی ئەورە وەگەرد نمە واران لە فرەیگ لە ناوچەیل هەرێم  وە تایبەت لە وەختەیل دویای نیمەڕوو و وەفر لە ناوچە کویەیلە وارێد، و لە دیر وەخت شەو وارینەگە کەمترەو بوود، لە وەختەیل شەوەکی زوی هاتێ تووز و خوەڵ بەرزەوبوود لە ناوچەیل باشوور و ناوڕاس هەرێم و پلەی گەرما 4-5 پلە داوەزن.

Shafaq Live
Shafaq Live