کەشناسی.. خوەڵ و توز لە کەرکوک و گەرمیان

شەفەق نیوز/ وەڕیەوبەرایەتی گشتی کەشناسی و زەویلەرزەی  هەرێم كوردستان، ئمڕوو چوارشەممە، پیشبینیەیل کەشوهەوای ئمڕوو و سوو پەنجشەممە راگەیان و پیشبینی خوەڵوارین کریەێد وە تایبەت لە ناوچەیل کەرکوک گەرمیان. 

وەڕیەوبەرایەتیەگە لە بەیاننامیگ راگەیان، ئمڕوو ئاسمان ساماڵە و تونی وا ها لە ناو 10 ئەرا 20 کیلۆمەتر وە ئاراستەی باشوور خوەرهەڵات.  

وتیش؛ سوو ئاسمان ساماڵە وخوەڵ و توز سوکیگ هەس وە تایبەت لە ناوچەیل کەرکوک و گەرمیان لە دەمەو شەوەکیانی. 

دیاریکرد، لە رووژ پەنجشەممە پلەیل گەرما وە بەراورد وە ئمڕوو یەک تا دوو پلەی سلیزی بەرزەو بوود و تونی واگەیش جویر ئمڕوو مینێد.