شماره‌يگ ترۆريست له‌ خورماتوو ده‌سگير كريان

ئه‌و سه‌رچه‌وه‌ ك نه‌تواس ناوی ئاشكرا بدێ، ئه‌را(شه‌فه‌ق نيوز)وت: هيزه‌يل ئاسايشی خورماتوو دويای ده‌سكه‌فتن زانياريه‌يل پڕ ده‌قه‌تيگ له‌بان جموجويل پاشمه‌نده‌ی ترۆريسته‌يل له‌ مه‌رز شاروچكه‌گه‌ ده‌سكردنه‌سه‌ وشكانن و گه‌ردين و له‌ئاكاميش هه‌فت ترۆريست ده‌سگيركردنه‌.

سه‌رچه‌وه‌گه‌ ئاماژه‌ وه‌يه‌يش كرد ك په‌نج له‌و ترۆريسته‌يله‌ ك ده‌سگير كريانه‌ زويتر له‌ جه‌نگ دژ وه‌ هيزه‌يل پێشمه‌رگه‌ له‌ مه‌رزه‌يل ناوچه‌گه‌ به‌شداری كردنه‌و يه‌يش ده‌رخست ك ئه‌و ترۆريسته‌يله‌ له‌وه‌خت ده‌سگيركردن و په‌يجووريكردن وه‌ليانا دگان وه‌ چه‌ن كاريگ ترۆريستی خوه‌يان نانه‌ ك له‌و مه‌رزه‌يله‌ ئه‌نجامی دانه‌.

ج . أ