شماره‌ى تويشهاتن وه كۆرۆنا له كوردستان ره‌سيه 214 حاڵه‌ت
2020-04-04T09:02:18+00:00
شه‌فه‌ق نيوز/ وه‌زاره‌ت ته‌ندروستى له حكومه‌ت هه‌رێم كوردستان، ئاشكراى ئه‌وه كرد رووژ جومعه دو حاڵه‌ت تر تازه‌ى تويشهاتن وه ڤايرۆس كۆرۆنا له هه‌ولێر پايته‌خت هه‌رێم تۆمار كريانه.
وه‌زاره‌ته‌گه له به‌ياننامه‌يگ ئه‌را شه‌فه‌ق نيوز وت: ئه‌و دو حاڵه‌ت تازه ئه‌را دو ژن تۆمار كريانه ك وه‌ركه‌فته‌ى كه‌سه‌يل تر تويشهاتگ وه په‌تاگه بوينه له كويچه‌ى كارێزان له هه‌ولێر.
وه‌زاره‌ته‌گه يه‌يش ده‌رخست جه‌م حاڵه‌ته‌يل تويشهاتن وه ڤايرۆسه‌گه له هه‌رێم كوردستان ره‌سيه‌سه 214 حاڵه‌ت و له‌ناونيشانيش يه‌ك حاڵه‌ت مردن.
