شمارەیگ پەیمانەیی ئەرا گەشتیارەیل لە هەرێم کوردستان وە ماوەی ٢٠١١
2022-09-03T08:15:40+00:00
شەفەق نیوز/ دەزگای گەشتوگوزاری لە حکومەت هەرێم کوردستان، ئمڕوو شەممە، ئاشکرای هاتن زیاتر لە چوار مەلیۆن گەشتیارەیل ئەرا پارێزگایل هەرێم کوردستان، وەماوەی یەکەمین شەش مانگ لە ساڵ ٢٠٢٢ کرد.
ئەمەل جەلال خانمە سەرۆک ئەنجومەن گەشتوگوزاری لە حکومەت هەرێم کوردستان، لە بەیاننامەیگ رەسیە ئاژانس شەفەق نیوز وت: شمارەی گەورەیگ لەو گەشتیارەیلە ک هاتنەسە ناوچەگە لە هاووڵاتییەیل ناوڕاس و باشوور عراق توومار کریاگە.
جەلال وتیش: گەشتیارەیل هەرێم کوردستان پەسەن کردن چوینکە پلەی گەرمی لە ناوچەیلیان بەرزە و لەشارەیل هەرێم کوردستان نزمە، و هەمیش سەدان لە شوینەیل گەشتوگوزاری لە هەرێم کوردستان هەس.
لە ماوەی ساڵەیل گوزەشتە، زیاتر لە یەک مەلیۆن گەشتیار لە ساڵیگ سەردان هەرێم کوردستان کرد، وەگورەی ئامارەیل دەزگای گەشتوگوزاری لە هەرێم کوردستان.
