شمارەیگ لە وەرگیریاگەیل خوەنین باڵا دژ وە بڕیارەگەی زانکۆی گەرمیان ناڕەزایی نشان دەن
سەرچەوەیگ ئاگادار وە ئاژانس شەفەق نیوز راگەیان " ئیمە شمارەمان 41 کەسە کە گشت رێکارەیل ئیداریمان تەواو بویە و وەلایەن وەزارەت خوەنین باڵا وەگیریایمنە ئەرا خوەنستن ماستەر باوجی زانکۆی گەرمیان بڕیار دایە وەرمان نەگرێد وە دەسپیچگ ئەوەگ کە توانای ئەوە نەیریمن وەردان بگریمن".
سەرچەوەگە وتیش؛ " ئیمە لە کارەیلمان مووڵەت خوەنین وەرگردیمنە کە هەڵوشانن مووڵەتەگە کار ئاسانیگ نییە لەدویای ئەوەیش دیار نییە کەی دووارە مووڵەت وەپیمان دریەێد، لەهەمان وەخت شماریگ لەلیمان لە کەرت تایبەت کارکردنە لە دویای وەرگردنیان لە ماستەر دەس لە کارکیشانەسەو کە دوارەو گلەوداینیان ئەرا بان کارەیلیان ئەستەمە".
یەکیگتر لە وەرگیریاگەیل خوەنین باڵا وە ئاژانسەگەمان وت، " ئیمە بایەت تا ئیسە دوو هەفتە دەوام کردویمن باوجی هەنای هاتیمن ئویشنە پیمان زانکۆگە ستاف نەێرێد و توانای وەرگردندان نەیرێد ئەرا رەوەندیگتر دەس وە خوەنین بکەن کە دیار نییە چەن ساڵترە".
ئێ 41 کەسە تەنیا داواکاریان ئەوەس بخوەنن چوینکە گشت رێکارەیل وەرگردن تەواوکردنە و وەرگیریانە تەنانەت دەس لە کارەلیان کیشانەسەو مووڵەت وەرگردنە داواکارن زانکۆی گەرمیان دووارە وە بڕیارەگەی بچێدەو.
