شمارەی گەشتیارەیل لە مەزەنەیل فرەتر بوی.. هەڵەبجە لە رووژەیل جەژن ٥٠ تەن گەناڵخە هەڵگرێد

شەفەق نیوز/ سەرۆکایەتی شارەوانی پارێزگای هەڵەبجە لە هەرێم کوردستان، ئمڕوو پەنجشەممە، هەڵگردن ٥٠ تەن گەناڵخە لەماوەی رووژەیل جەژن قوربان راگەیان، ودیاری کرد ک شمارەی گەشتیارەیل لە مەزنەیل زیاتر بوی.  

سەرۆکایەتی شارەوانی پارێزگای هەڵەبجە لە بەیاننامیگ رەسیە ئاژانس شەفەق نیوز وت: لە ماوەی پشوو جەژن قوربان، لە ٨ تەمووز تا ١٣ی تەمووز، لە ٤٥ تا ٥٠ تەن گەناڵخە لەلایەن بەش خزمەتگوزاری هەڵگریا.  

بەیاننامەگە وتیش: گەناڵخەگە وەشیوەی گەورەیگ لە سەیرانگای ئەحمەد ئاوا و تەویلە وبياره و ئەویسڕۆ کەڵەکە بوی، چوینکە بڕەیل فرەیگ لە گەشتیارەیل هاتن ک ئمساڵ لە مەزەنەیل فرەتر بوی. 

بەیاننامەگە وتیش: نزیکەی ٤٦ هەزار گەشتیار لە ناوڕاس و باشوور عراق و دەوڵەتەیل هاوسا سەردان ئەو شوینەیلە کردنە.