پیشمەرگە و وەرگری ئامادەکردن هیزەیل هاوبەش ئەرا چارەسەرکردن چووڵایەیل تیرۆری تەواو کەن
2023-09-20T13:03:59+00:00
شەفەق نیوز/ وەرپرسیگ سەربازی لە هەرێم کوردستان، ئمڕوو چوارشەممە، تەواوکردن گشت ئامادەکاریەیل سەربازی و ئیداری و لۆجستی ئەرا دەسکردن وە پلان هەماهەنگی هاوبەش ئەرا چارەکردن چووڵایە سەختەیل لە ناوچە دابڕیایەیل راگەیان.
لیوا عەبدولخالیق تەلعەت نوینەر هەرێم کوردستان لە فەرماندەیی ئۆپراسیۆنەیل هاوبەش ئەرا ئاژانس شەفەق نیوز وت: وەرگری و پیشمەرگە پلان وڵاوەبوین و بەشەوکردن هیزەیل دوو لیوای هاوبەش لە چووڵایەیل ئەمنی ناوەین سوپا و پیشمەرگە لە ناوچە دابڕیایەیل لە دەورگرد دیالە تا رەسێدە نەینەوا و سنوور سوریا تەواو کردن.
تەڵعەت دیاری کرد کە پلانەیل بەشەوکردن و ڵاوەبوین وەگورەی خوازین ئەمنی دیاری کریان، ئەرا چارەکردن ئەو چووڵایەیلە کە ئەندامەیل داعش لەناویان هەن، ئەرا لەناوبردنیان و نواکیرییان لە کارەیل تیرۆری و هەڕەشەدان کەرتەیل ئەمنی و ئامانجەیل مەدەنی.
تەلعەت دووپات کرد کە دەسکردن وە ئەرکەیل ئەمنی چەوەڕی سپۆنسەرکردن و بەشەوکردن مووچەی دوو لیوای هەماهەنگیە تا دەسوە ئۆپراسیۆنەیل سەربازی بکەن.
