پیشمەرگە و سوپای عراق کەفنە شوین داعش لە ناوچە دابڕیایەیل
سەرچەوەگە ئەرا ئاژانس شەفەق نیوز وت: ئۆپراسیۆنەگە لە وەخت زوییگ شەوەکی ئمڕوو دەسوەپی کرد، لە سنوور کەرکوک وەرەو شار خانەقین و قەزای دووزخورماتوو گردەو.
وتیش: لیوای ٣ و لیوای ٥ و لیوای ١٧ لە هیزەیل پیشمەرگە، و میحوەر (گەرمەسێر) وەگەرد فەرماندەیی ئۆپراسیۆنەیل دیالە لەی هیزەیل هاوبەشە بوین.
سەرچەوەگە وتیش: هیزەیل هاوبەش بڵاو بوینە وە مینەکردن حەشارگەیل داعش لەو ناوچەیلە.
سەرچەوەگە دووپات کرد ک ریخریاگ داعش لەو ناوچەیلە لاواز بویە و شمارەیلی فرە کەمە، و کارەیل دزیکردن و چزداین هاووڵاتیەیل کورد لەو ناوچە جیوەجی کەێد.
وەرجە چەن رووژیگ، گردەوبوین هاوبەش وەلایەن فەرماندەیی ئۆپراسیۆنەیل دیالە و فەرماندەیی میحوەر گەرمەسێر وەڕیەو چگ، ئەرا دانوسەنین لەباوەت هاوکاری هاوبەش ناوبەین هیزەیل فیدڕاڵی و هیزەیل پیشمەرگە لە ناوچە دابڕیاگەیل، وە ئامادەبوون فەرماندەی ئۆپراسیۆنەیل دیالە و وەرپرس میحوەر گەرمەسێر لە هیزەیل پیشمەرگە.
