پیشمەرگە رخداری سێ بومب دانریاگ لە ئامێدی پویچەڵ کەێد.. ڤیدیۆ
شەفەق نیوز/ سەرچەوەیگ سەربازی لە دهۆک، ئمڕوو دووشەممە، خەوەردا کە تیمەیل لاوردن مین و تەقەمەنی لە هیزەیل پیشمەرگە توەنستن سێ بومب دانریاگ هەڵگرن کە مادەی تی ئێن تی لەناوی بوی، و لە ئاوای میرستک نریانەسەو، لەبان ری ناوەین قەزای ئامێدی و ناحیەی دیلولۆک باکوور پارێزگاگە.
سەرچەوەگە ئەرا ئاژانس شەفەق نیوز وت: هیزەیل توەنستن ئەو بومبەیلە بچەکنن و وەشیوەیگ بیوەیانە پویچەڵیان بکەن، وتیش: جویلەی ماشینەیل تا ماوەی کوڵیگ لەبان ریەگە وسیا تا ئەو کارە تەواو بوی.
سەرچەوەگە دیاری کرد کە دویای تەواوکردن ریکارەیل وە سەرکەفتی، دووارە ریەگە واز کریا.
سەرچەوەگە وتیش: خود ئەو شوینە وەرجە دوو رووژ تەقینەوەیگ لەناوی بوی کە کاروانیگ سەربازی تورکی کردە ئامانج، وەبی توومارکردن زەرەد.
کامیرایل ئاژانس شەفەق نیوز مەوقەی تەقانن ئەو بومبەیلە توومار کردن، وەگەرد گرتەیلیگ کە وسیان جویلەی ماشینەیل وەرجە لاوردن بومبەیل نشان دەن.
