پێشمەرگە کەرتەیلیگ لە سنوور دیالە و خانەقین ئارام کەێد
شەفەق نیوز/ فەرماندەی محوەر دوویەم لە پێشمەرگە (قەرەتەپە - حەمرین) راگەیان کۆنتڕۆڵ تەوای لە ناوچەی سنووری ناوبەین دیالە و سنوو کوردستان و دەورگرد سەڵاحەدین.
لیوا محمد روستەم یاوەر فەرماندەی محوەرەگە ئەرا ئاژانس شەفەق نیوز وت: کەرتەیل پێشمەرگە لە شوینەیل وەرپرسایەتی خوەیان وەگەرد دەورگرد باکوور خوەرهەڵات دیالە، کۆنتڕۆڵ ئەمنی گشتگیر چەسپانیە، و گشت ریەیل و جوولەیل داعش بڕینە، و کەرتەیل پێشمەرگە قەت نەکفتنەسە وەر هیچ پەلاماریگ تیرۆری.
روستەم وتیش؛ تۆمارنەکردن هیچ پەلاماریگ یا تەقەلای نزیکە بوین ئەندامەیل داعش وەرەو خاڵە و سەنگەرەیل پێشمەرگە لەوەر مەفرەزەیل جوولەکەر ئەمنی و رەوانگەی هەواڵگری و کارەیل وەرجەوەخت وەردەوامە، وتیش؛
چالاکی حەشارگەیل تیرۆری لە دەورگرد کەرتەیل پێشمەرگە ئەرا زیاتر لە ٩٥٪ کەمەو بوی.
روستەم نشان دا ک پەلامارەیل داعش لە دەورگرد خانەقین و ئاوارەیی وەردەوامە، هەرچەن ٥ لیوای حەشد شەعبی لەو ناوچەیە هەس وەگەرد هێزەیل سوپا، وتیش؛ هێزەیل حەشد و سوپا ئەرکەیل خوەیان وە شیوەی خاسیگ جیوەجی کەن، و دژایەتیکردن جیماگەیل داعش رەنج دووقاتیگ و ئەزموون و تۆێژینەوەیل هەواڵگری ئەرا رەوشەیل ئەمنی خانەقین خوازێد.
