پیشمەرگە دووپات کەێد داعش وە ریژەی ٩٥ لەسەد لە کەرتەیلی فەوتیاگە
لیوا مەردان چاوشین فەرماندەی میحوەر دویەم پیشمەرگە (قەرەتەپە - حەمرین) ئەرا ئاژانس شەفەق نیوز وت: دویای ئۆپراسیۆنەیل ٢٠١١ لەبان داعش ک ئەمار چەک ریخریایەگە ویران کرد، و پارچەی کرد، و حەشارگەیلی داغان کرد، لە کەرتەیل پیشمەرگە هویچ گورجییگ یا چالاکییگ لەلایەن ئەندامەیل داعش توومار نەکریاگە.
چاوشین وتیش: ئۆپراسیۆنەیل ٢٠٢١ وە هەماهەنگی وەگەرد سوپا جیوەجی کریا، و گشت حەشارگەیلی و سەرچەوەیل جویلە و سپۆنسەری لەلی سەن، دویای زاڵبوین تەواوی لەبان ناوچەیل قوری چای و پەلکە و دەورگرد دووزخورماتوو، و دووپات کرد ک ریخریاگ داعش لە کەرتەیل پیشمەرگە وە ریژەی ٩٥ لەسەد فەوتیاگە.
وتیش: نیەتوەنێ بویشێ داعش وە تەواوی لەناو بریاگە باوجی هیمان رخەگەی مەنیە لەوەر دەسوەردان دەیشتەکی لە بەشیگ دەوڵەت، ک ئەو ریخریاگ تیرۆریە کردیەسە بازی وە دەس خوەی.
فەرماندەی میحوەر دویەم وتیش: پیشمەرگە پشت وە پلانەیل ئەمنی وەرجەوەخت و گورجیگ لە شوین قایمکردن و چەودیاریکردن کەرتەیل ئەمنی بەسێد، وەڕی گوڵە و رەوانگەکردن ئەلیکترۆنی وەردەوام و زوی رەسین زانیاری هەواڵگری وە کوتپڕ، ک بویە بەرهەم سەرکەفتن گەورەیگ ک توانای داعش وە شیوەیگ گەورەیگ فەوتان.
