پیشمەرگە: تەقینەوەگەی دووزخورماتوو کاروان فەرماندەیگ سەربازی کردە ئامانج
شەفەق نیوز/ وەزارەت پیشمەرگە، ئمڕوو یەکشەممە، خەوەردا کە ئەو تەقینەوە کە لە قەزای دووزخورماتوو لە پارێزگای سەڵاحەدین رویدا، کاروانیگ سەربازی کردە ئامانج، لەناو ئۆپراسیۆنیگ ئەمنی هاوبەش ئەرا وەشوینکەفتن خانەیل ریخریاگ داعش.
وەزارەتەگە لە بەیاننامەیگ باش خەفەت خوەی کرد لە تەقیان بومبیگ دانریاگ شەوەکی ئمڕوو لەناو ئەو قەزا کە کاروان فەوج سێیەم لیوای یەکەم هاوبەش ناوەین سوپای عراق و هیزەیل پیشمەرگە کردە ئامانج.
بەیاننامەگە وتیش: تەقینەوەگە بویە مدوو کوشیان عەقید روکن سامان سابیر سلێمان فەرماندەی فەوجەگە، و عەقید محمد رزا کەریم ئەفسەر ئەندازیاری لە فیرقەی نۆهەم لە سوپای عراق، و جیگرئەفسەر شەریف ئەحمەد محمد ئەمین بوینە قوربانی، و سێ سەربازیش زەخمدار بوین.
بەیاننامەگە وتیش: رویداوەگە لە ئەنجام ئۆپراسیۆن پاکەوکردن ئەمنی فراوان و هاوبەشیگ بوی.
لەلای خوەییش، مەسروور بارزانی سەرۆک حکومەت هەرێم کوردستان سەرەخوەشی لە کەفتن سێ قوربانی کرد، لەناویان دوو ئەفسەر لە لیوای هاوبەش لە دەورگرد قەزای دووزخورماتوو، و دووپات لە گرنگی قایمکردن هەماهەنگی ناوەین پیشمەرگە و سوپا کرد.
