گەشتوگوزاری هەرێم کوردستان ریکارەیل نوویگ لەبان کارکردن و چیشتەخانەیل جیوەجی کەێد

شەفەق نیوز/ دەسەی گەشتوگوزاری لە هەرێم کوردستان، ئمڕوو سێشەممە، نیاز جیوەجیکردن بڕیگ ریکارەیل نوو لە کەرت گەشتوگوزاری راگەیان.

ئەمەل جەلال خانمە سەرۆک دەسەگە ئەرا ئاژانس شەفەق نیوز وت: بڕیارە ئاست کارکردن ناوخوەیی لە کەرت گەشتوگوزاری لە هەرێم کوردستان ئەرا ٧٥ لەسەد زیای بکریەێد، ئەوەیش وەچەن گامیگ.

وتیش: ئەوەسا هەمیش زوان کوردی جویر زوانیگ سەرەکی لە تابلۆی گشت چیشتەخانەیل و قاوەخانەیل و هوتێلەیل نریەێد، و دیاری کرد ک ئەوەیش ئەرا مقەیەتیکردن ناسنامەی کەلتور تیەێد.

وتیش: دەسەیلیگ وە هەماهەنگی وەرد لایەنەیل پەیوەندیدار ئەرا چەودیاریکردن ئی ریکارەیلە دروس کریەێد.

لە ساڵەیل گوزەشتە، زیاتر لە یەک مەلیۆن گەشتیار وە ماوەی یەک ساڵ سەردان هەرێم کوردستان کردن، وەگورەی ئامار دەسەی گەشتوگوزاری لە هەرێم کوردستان.