گەشتوگوزار زاخۆ: لەماوەی ساڵ 2023 نزیکەی 53 هەزار گەشتیار سەردان شارەگە کردنە
وەڕێوەبەر گەشتوگوزار زاخۆ چیایی ئەمین لە کۆنگرەیگ رووژنامەوانی کە ئمڕوو لەناو فەرمانگەگە ئەنجامیدا و ئاژانس شەفەق نیوز ئامادەیبوی راگەیان، " شمارەی ئەو گەشتیارەیلە ئەرا گەشتوگوزار هاتنەسە زاخۆ رەسیەس ئەرا 52,600 گەشتیار لەماوەی ساڵ 2023".
وتیش؛ "شمارەی ئەو گەشتیارەیلە بەشداری لە ئاهەنگ سەرساڵ کردنە لەماوەی دە رووژ، زیاتر بویە لە 97,000 گەشتیار کە لە پارێزگایەیل هەرێم و پارێزگایەیل عراق و لە تورکیا هاتنە".
دووپاتکرد، "ئیدارەی زاخۆ ئامانجەگەی خوەی لەماوەی ئێ ساڵە وەجی رەسان لە مژار زینگەوکردن کەرت گەشتوگوزار و کیشانن گەشتیار ئەرا ناوچەگە، وە تایبەت لە دویای پەلامارەگەی سەیرانگای بەرخی کە شمارەیگ گەشتیار کوشیا".
وەڕێوەبەر گەشتوگوزار زاخۆ دیاریکرد، "ئاسایش و ئاشتی لە ناوچەگە جیگیرە و هیشتیە شار زاخۆ بوودە رویگ گرنگ ئەرا گەشتیارەیل لەماوەی ساڵ 2023"، دیاریکرد "لەماوەی ساڵ 2024 شمارەیگ پرۆژە دەسوەپی کەێد، لەناویانیش دەسکردن وە قۆناغ دویەم ئەوزەڵداین وە کۆڕنیش زاخۆ".
