کشاوەرزی ئیلام... بڕیگ فرە لە گەنم و جویەی دەیمی لەوەر هشکەساڵی لەناوچگە

شەفەق نیوز/ وەپای راپۆرتیگ لە رێکخریاگ کشاوەرزی پارێزگای ئیلام فەیلی، 97٪ی گەنم و جویەی دەیمی ئمساڵ لە پارێزگای ئیلام  وە مدووی هشکەساڵی و کەم وارانی، لەناچگە و بەرهەم نیەرێد. 

عەلیڕەزا تولابی، وەڕێەوبەر دانەوێڵەی رێکخریگ کشاوەرزی ئیلام فەیلی، راگەیان: "بەرهەم گەنم کشاوەرزەیل پارێزگای ئیلام لە پارەکە 237 هەزار تەن بوی، باوجی لەوەر هشکەساڵی مەزەنە کریەێد ئمساڵ 180 هەزار تەن بوود، واتە 25٪ کەمەو بوود".    

عەلیڕەزا تولابی وتیش: لە 51 هەزار و 450 هێکتار زەوی کشاوەرزی ئیلام جۊە کاڵیایە، و 50 هەزار و 260 هێکتار، واتە 97٪ی ئەو رووبەرە وە مدووی هشکەساڵی لەناوچگە، وە جویریگ هویچ جویەیگ لە زەویە دیمەگان نیەتیەێدە بەرهەم.   

عەلیڕەزا تولابی لەباوەت بەرهەم گەنمیش وت: لە 83 هەزار و 300 هێکتار گەنم دەیمی، 97٪ و لە 64 هەزار و 100 هێکتار گەنم وەرئاویش 28٪ی لەوەر هشکەساڵی لەناوچگە.  

وەپای راپۆرتەیل فەرمی رێژەی واران وارین 63% کەمەوکردیە وە بەراورد پارەکە.