شاندیگ هەرێم کوردستان ئەرا باسکردن لە باوەت مووچەیل رەسێدە بەغداد

شەفەق نیوز/ پەیامنێر ئاژانسمان خەوەردا کە شاندیگ کورد لە وەزارەت دارایی هەرێم کوردستان، ئمڕوو دووشەممە، رەسیە بەغدای پایتەخت.

پەیامنێر ئاژانس شەفەق نیوز دیاری کرد کە شاندەگە کە وەرپرسەیل دارایی کوردستان هانە ناوی، ئەوەسا وەگەرد لایەنەیل پەیوەندیدار لە وەزارەت دارایی فیدڕاڵی گڕدەو بوود.

 وتیش: ئەوەسا باس باوەتەیلیگ کەن پەیوەندی وە مووچەی فەرمانبەرەیل و خانەنشینەیل دیرن، هەمیش باس جیوەجیکردن یاسای خانەنشینی فیدڕاڵی کەن.

وەرجە دوو رووژ، سەرۆک دەسەی دارایی لە پەرلەمان عراق، عەتوان عەتوانی ئەرا ئاژانس شەفەق نیوز وت: ئەوەسا شاندیگ سەردان هەرێم کوردستان کەێد لە هەفتەی ئایندە، ئەرا ئاگاداربوین لە دویاترین گەشەیل لەباوەت بەشەوکردن مووچەی فەرمانبەرەیل و کارمەنەیل کەرت گشتی لە هەرێم کوردستان.