شاندیگ لە هەرێم کوردستان راگەینێد ئەنجامەیل دانووستان سێ بوودجە وەگەرد بەغداد
شەفەق نیوز/ شاندیگ لە هەرێم کوردستان ک بەشدارە لە ئامادەکردن شیوەی پرۆژە یاساییەگان بوودجەی دارایی فیدڕاڵی ئەرا ساڵەیل ( ٢٠٢١-٢٠٢٣ ) ، دووپاتکردن لە گرنگی رەسین وە رێکەفتنیگ سیاسی لەناوبەین هەولێر و بەغداد ئەرا چارەسەرکردن ناکۆکیەگان و باوەتە گیرهاتگەگان لەناوبەین دوولاگە.
زاگرۆس فەتاح ئەندام شاندەگە وجینشین وەزارەت پلانسازی لە هەرێم لە بەیاننامەیگ ئمڕوو سێشەممە وت: شاندەگەی هەرێم گردەوبوی وەگەرد دەسەی باڵای تایبەت وە ئامادەکردن بوودجەگان ئەرا ساڵاەیل (٢٠٢١-٢٠٢٣ )، وئاماژەدا ک ئامانجەگە لە بەشداربوین شاند کوردستان لەو کۆبونەوەیلە ئەرا چەسپانن کارە هونەریەگان هەرێم کوردستان لە بوودجە داراییەگان ئەرا ساڵەیل ئایندە.
ودیاریکرد ک ئەو وەرپرسایەتیە ک کەفێدە بان شاندەگەی هەرێم خوەی کۆبونەوەس وەگەرد وەزارەتە پەیوەندیدارەگان و فەرماندە پسپۆڕەگان لە حکومەت فیدڕاڵی، و مەزەنەی سامانەگان بکەن لە سەرچەوەیل داهات، ولەی بنەما پێداویستیەگان ئەرا پارێزگاگە عراقیەگان و وەگەرد هەرێم کوردستان دیاری کریەێد.
زاگرۆس وتیش: شاندەگە خەوەردار وەرپرسە عراقیەگان کرد وەگرنگی رێککەفتنیگ سیاسی ناوبەین هەولێر و بەغداد لەباوەتەیل ( نەفت، سامان مەرزەگان، باجەگان) ئەرا دیاریکردن شایستەگان هەرێم لە بوودجەگە وەشیوەیگ گونجیاگ.
وەرپرسە حکومەتیەگە ئاماژەدە ک بایەسە بەش هەرێم کوردستان لە بوودجە وەبەرهەمهاوردنەگان ئەرا ساڵەیل ئایندە خەرج بکریەێد، ونەبایەس جوور ساڵەیل گوزەیشتە بوود ک ئەو رێژە ژمارە کریا وەلی خەرج نەکریا.
