شاند پایەبەرزیگ لە پەرلەمان هەرێم کوردستان ئەرا باوەتەیلیگ گرنگ سەردان پێشمەرگە کەێد
2021-01-25T16:20:35+00:00
شەفەق نیوز/ شاندیگ پایەبەرز لە پەرلەمان هەرێم کوردستان، ئمڕوو دووشەممە، سەردان وەزارت پێشمەرگە کرد.
پەرلەمان هەرێم لە بەیاننامەیگ رەسیە ئاژانس شەفەق نیوز وت: شاندیگ لە پەرلەمان هەرێم کوردستان، هێمن هەورامی جیگر سەرۆک پەرلەمان، وئەندامەیل دەسەی پێشمەرگە و راوێژکارەیلیگ لەناوی بوی، ئمڕوو، سەردان وەزارت پێشمەرگە کرد، و دیاری کرد ک شاندەگە دووپات لە گرنگی هاوکاری و هەماهەنگی هاوبەش لەناوبەین دەسەڵات تەشریعی و جیوەجیکەر کرد، و گرنگی جیوەجیکردن یاسای چاکسازی ژمارە ٢ ک لە ٢٠٢٠ لە پەرلەمان دەرچگە.
هەورامی لە کۆبونەوەگە وەگەرد شۆڕش ئیسماعیل وەزیر پێشمەرگە باس لە باوەت جیوەجیکردن یاسای چاکسازی و گامەگانی و چەودیریکردن پەرلەمان و زویکردن لە جیوەجیکردنی کرد.
بەیاننامەگە دیاری کرد ک هەورامی داوای روونکردنەوە لە وەزارت پێشمەرگە لە باوەت جیوەجیکردن یاسای چاکسازی کرد، و دووارە نووڕستن لە لیستەیل پێشمەرگە وەگەرد دووارە رێکخستن و یەکگردن هێزەیل پێشمەرگە.
هەمیش شۆڕش ئیسماعیل وەزیر پێشمەرگە لە بەیاننامەیگ وت: یەکگردن هێزەیل پێشمەرگە هەماهەنگکردن سیاسی خوازێد، و ئاماژە کرد ک هاوپەیمان ناودەوڵەتی ئاگادار لایەنە سیاسییەگان لەی باوەتە کردگە، ک بایەدە گشت هێزەگان لە سای وەزارت پێشمەرگە بوون.
