پێشانگای سلێمانی ناودەوڵەتی دەرفەتیگ ئەرا دابینکردن کار
شەفەق نیوز/ چالاکیەیل خول 15 پیشانگەی ناودەوڵەتی سلێمانی وەردەوامە و ئەرا چوارەمین رووژی، ئمڕوو جومعە، پێشەنگاگە پیشوازی فراوانیگ وە خوەی دی.
لە رووژ سێشەممەی گوزەشتە چالاکیەیلی دەسوەپی كرد، وە بشداری زیاتر لە 150 کۆمپانیا و 12 وڵات عەرەبی و بیانی، تا 16 ئۆکتۆبەر پێشەنگاگە وەردەوامە.
کۆمپانیایەل بەشداربوی جیاوازن و دابەشبوینە لەمابەین کەرت گشتی و تایبەت و نیمەگەتری کۆمپانیایەل عەرەبی وبیانیین لە وڵاتەیل: لوبنان ئۆردن و میسر و ئیمارات و تورکیا و ئیران و هندستان و پاکستان و ئەمریکا و فەرەنسا و یابان و بەریتانیا و ئەڵمانیا.
محەمەد ئەمین نوێنەر یەکیگ لە کۆمپانیایەیل بازرگانی ک لە پێشەنگاگە بەشدارە وە ئاژانس شەفەق نیوز وت، " پێشەنگاگە زەمینەیگە ئەرا دەرفەت وەبەرهێنان پیشەسازی و هاوبەشیکردن وەرد لایەنەیل ناوخوەیی و بیانی بەشداربوی و درویژکردن پیەڵ هاوکاری ئەرا پاڵپشتیکرد ئابوری و وەرەو نوابردن پیشەسازی نیشتیمانی.
وتیش،" لقەگان کۆمپانیایەیل بەشداربوی پێشەنگاگە، سەردانیکردن خەسیگ لە هاوڵاتیەیل وە خوەی دی ئەرا ئاشنابوین بەرهەمەیل ناوخوەیی و پیشەسازی نیشتیمانی".
ئاشکەرا،" پیشەنگاگە تایبەتە وە خزمەتکردن وە جویلەی بازرگانی نەک تەنیا لە سلێمانی و کوردستان بەڵکم لە عراق ؟ ناوچەیلی چوینکە بەشدارە لە بانگەشەکردن ئەرا وەرهەمەیل جەهانی و ناوخوەیی.
