شاریگ لە هەرێم کوردستان پلەی گەرمی ١٩- توومار کەێد

شەفەق نیوز/ ووەڕێەوبەرایەتی کەشناسی و رەوانگەی زەۊلەرزە لە هەرێم کوردستان، ئمڕوو چوارشەممە، راگەیان قەزای پێنجوێن سەر وە پارێزگای سلێمانی کەمترین پلەی گەرمی توومارکرد ک رەسیە ١٩- پلەی سەدی.  

وەڕێەوبەرایەتیەگە لە بەیاننامیگ رەسییە ئاژانس شەفەق نیوز وت: لە گشت ناوچەیل هەرێم کوردستان  شەپۆل سەردییگ رۊی لەلیکردیە و نزمترین پلەی گەرمی لە هەرێم قەزای پێنجوێنە رەسیە ١٩- پلەی سەدی و دۊایی قەزای ماوەت ١٣- و هەڵەبجە ١٢- و حاجی عومران و میلان و چۆمان ٨-، و لە سلێمانی ٦- پلەی سەدی توومارکریایە. 

حکومەت ناوەخۆ لە بڕیگ لە شارەیل عراق ئمروو پشووی دەوام فەرمی راگەیان لە مەکتەویل سەرەتایی و باخچەیل مناڵەیل، لەوەر شەپۆل سەرماگە ک رۊی کردیەسە وڵاتەگە.