شارەزایگ کەشناسی... زمسان سەختیگ هاڕیەو
شەفەق نیوز/ شارەزایگ کەشناسی پیشبینی کەێد ئاست واران وارین ساڵانە لە گشت ناوچەیل وەشیوەی وەرچەویگ بەرزەو بوود، مەترسی هشکەساڵی نیەمینێد.
شارەزای مژار کەشناسی شاڵاو هیدایەت لە هەشمار تایبەت خوەی لە تووڕ کۆمەڵایەتی فەیسبووک راگەیان، " هەرسێ وەرزەیل پایز و زمسان و وەهار لە روی وارین خاسترن لە دوو ساڵ گوزەشتە، ئاست وارین ساڵانە لە سەرانسەر ناوچەیل وەشیوەی وەرچەویگ بەرزەوبوود و مەترسی هشکەساڵی بوونی نییە".
وەپای پیشبینیەیلی، " کۆتایی پایز و سەرەتای زمسان و وەتایبەت لە وەهار پیشبینی لافاو کەێمن وەگەرد بەرق و بەڵاچەی فرەیگ لە هەولێر و کەرکوک و سنوور دەشت کۆیە، و تەقتەق و بەشیگ لە ئیدارەی گەرمیان".
دیاریکرد" ئەو ناوچەیلە مەترسی لافاو دیرن وە مدووی ئاڵشتبوین سیستەم نزمە پەستان و ناجیگیری کەش لە ئەنجام تێکچگن کەشوهەواوە، چوینکە یە بوودە هوکار ئەوەگ فرەیگ لە وارانەیل رفت بوون".
