«شار ژیان».. فیلمیگ بەڵگەیی دەربارەی سلێمانی
شەفەق نیوز/ رێکخراو (سی دی ئۆ) لە شار سلێمانی، ئمڕوو چوارشەممە، راگەیان بەرهەمکردن کورتە فیلمیگ بەڵگەیی دەربارەی ژیان شار سلێمانی وەناونشان «شار ژیان».
دەرهێنەر سوری سەحەر حجازی لە کۆنگرەیگ رۆژنامەوانی ئاژانس شەفەق نیوز ئامادەی بوی وت: لە یەکەم سەردانم ئەرا کوردستان و لە شار سلێمانی وەتایبەت هەنای هەست وە ژیان و جووڵە و چالاکی هونەری و رووشنهویری و کەشوهەوایل زمسان و بڵاوبوین تیمە مۆسیقاگان و بوون قاوە لە گشت شوینیگ هویر وەی فیلمە کردم، ک ئەیە شار ئومید و گەشبینیە.
وتیش: ماوەی فیلمەگە ٣٠ خولەکە ژیان و مێژوو شارەگە و خەوەیل گەلەگەی نشان دەێد، و خوەشم هات پەیامیگ ئەرا گشت مەردم بڕەسنم و وەتایبەت عەرەیەگان ک شار سلێمانی شار خەو و دووسی و ئایندەس.
وتیش: پڕۆژەی هاتگم وەناونشان (دووسی لە سەردەم کۆڕۆنا) ک وەی نزیکە سیناریۆگەی تەواو کەم، و ئیسە باسی نێەکەم ک هەمیش دەربارەی شار سلێمانیە.
بەختیار ئەحمەد وەڕێۆبەر رێکخراوەگە دووپات کرد ک فیلمەگەی بوودجەی بەرهەمکاری نەیاشت، ئەراوە خریا وەردەسمان و سیناریۆەگەی دڵمان گرد، چوونکە باس لە ژیان شارەگەمان کەێد، و وەهاوکاری کەناڵ بی ئێم سی وەگورەی توانایل خوەمان بەرهەم کریا، و ئەوەسا وەسێ زوان عەرەوی و کوردی و ئینگلیزی لە فیستیڤاڵەیل سینەمایی هەل کریەێد.
