شەو واراناوی سلێمانی وەیجویرە بوی.. وینە
![شەو واراناوی سلێمانی وەیجویرە بوی.. وینە](https://media.shafaq.com/media/arcella/1681372717673.jpeg)
کامیرای ئاژانس شەفەق وینەی ئەو لافاو وارانە گرد ک ناوچەی خەلیفان لە سلێمانی گردە وەر، و لە وینەیلیگ ئەندامەیل هاتوچو سلێمانی دەرکەفن هەناێ ری لە جادەیل پارێزگاگە واز کەن ک لەوەر وارانەگە بەسیانە.
دویەکە چوارشەممە، فەرمانگەی وەرگری شارستانی لە دهۆک، ١٣ رویداو لەناو شارەگە توومار کرد، و ٤ ماشین و ٣ ماڵ ئاو چگە ناویان لە ناحیەی بامرنی باکوور شارەگە، وەگەرد چەن رویداویگ لە قەزای عمادیە ک ئاو کارخانەیگ نقوم کرد، و زەرەد مادی رەسانە جادە و کویچەیل ناو قەزاگە.
لە هەولێر، دویەکە چوارشەممە، وەڕیەوبەرایەتی هاتوچو هەولێر، کوشیان و زەخمداری دوو کەس وە رویداویگ دڵتەزن لەبان ری هەولێر - خەبات راگەیان، ک ماشینیگ بارهەڵگر لەدەس رانندە دەرچگە و داگەسە ماشینیگ مارکەی تویوتا کامری.
وەڕیەوبەرایەتیەگە مەزەنە کرد ک واران و نەمان ئاست نووڕین و تونرانین لە زاقترین هوکارەیل رویداوەگە بوینە.
گشت پارێزگایل عراق و هەرێم کوردستان، لە ئیوارای سێشەممەی گوزەشت، وارانەیل رفتیگ لەناویان وارێد، ک تا ئیسە فرەی جادەیل و چەن ناوچەیگ نقوم بویە، وەگەرد لافاوەیل سەختیگ لە پارێزگای کەرکوک.
لە ئەنجام ئەوە، حکومەت عراق بڕیار پەکخستن دەوام فەرمی ئەرا ئمڕوو پەنجشەممە دا، لەوەر بەدی کەشوهەوا، بیجگە دامودەزگایل ئەمنی و خزمەتگوزاری.