سورياى ديموكرات: په‌لامار توركيا داعش زينگه‌و كرد

سورياى ديموكرات: په‌لامار توركيا داعش زينگه‌و كرد
2019-10-12T20:29:17+00:00

شه‌فه‌ق نيوز/ هيزه‌يل سورياى ديموكرات وه‌ سه‌رۆكايه‌تى كورد، باس له‌وه‌ كرد په‌لامار توركيا ئه‌را بان باكوور سوريا ريكخرياگ تيرۆريستى داعش زينگه‌و كرد و داوايش له‌ ده‌وڵه‌ته‌يل هاپوه‌يمان كرد بوار ئاسمانى له‌وه‌رده‌م ته‌ياره‌يل جه‌نگيى توركى بووه‌سن.

 

له‌و باوه‌ته‌و، رێدوه‌ر خه‌ليل سه‌ركرده‌ى باڵا له‌ هيزه‌يل سورياى ديموكرات له‌ به‌ياننامه‌يگ وت: هيزه‌يلمان وه‌رده‌وامى ئه‌يه‌نه‌ هاوكارى وه‌ل هاوپه‌يمان وه‌ سه‌رۆكايه‌تى وڵاته‌يل يه‌كگرتگ دژ ريكخرياگ تيرۆريستى داعش.

 

خه‌ليل هه‌ميش وت: داگيركارى توركى نه‌ك هه‌ر زينگه‌وكردن داعشه‌، به‌ڵكوو شانه‌يليشى چالاكه‌و كردگه‌ له‌ قاميشلێ و حه‌سه‌كه‌و گشت ناوچه‌يل تر، ئاماژه‌ وه‌يه‌يش دا ك په‌لاماره‌يليگ له‌ڕێ سه‌ياره‌يل مينڕيژكرياگه‌و له‌ هه‌ردوگ شاره‌گه‌ ئه‌نجام ئه‌دريه‌ێد.

Shafaq Live
Shafaq Live