سوپای تورکیا وە چەک قورس پەلامار سەختیگ وەبان پەکەکە جیوەجی کەێد لە دهۆک
شەفەق نیوز/ سەرچەوەیگ ئەمنی لە دهۆک، ئمڕوو دووشەممە، خەوەردا کە هیزەیل تورکیا لە ئیوارەی دویەکەو زنجیرەی پەلامارەیل سەختیگ وەبان شوینەیل پەکەکە لە ناوچەیلیگ جیاجیا لە پارێزگاگە جیوەجی کەن.
سەرچەوەگە ئەرا ئاژانس شەفەق نیوز وت: هیزەیل تورکیا لە ئیوارەی دویەکەو تا شەوەکی ئمڕوو، زنجیرە پەلامارەیل سەختیگ وەبان شوینەیل پەکەکە لە دەورگرد چەن ئاواییگ لە کەژ کویەی مەتین و گارە لە قەزای عمادیە باکوور دهۆک جیوەجی کەن.
وتیش: ئۆپراسیۆنەیل سەربازی تورکیا لە ساعەت ١١ی ئیوارەی دویەکەو دەسوەپی کرد کە کۆپتەر و چەک قورس لەناوی وەکار هاوریا، نزیک ئاوایەیل بورجی و بلاڤە و کۆهرزی لەبان کەژ کویەی مەتین، و لە ساعەت یەک دویای نیمەی شەو گورزەیلیگ وە درۆن وەبان ئاوایەیل مزی و کفنە مزی لە ناوچەی بری کاری لەکویەی گارە وەشان.
سەرچەوەگە وتیش: شەوەکی ئمڕوو دووشەممە، فڕۆکەیل تورکیا پەلامار دووڵ دیریشی و لویتکەیل کویەی گارە دان وەگەرد ناوچەیلیگ جیاجیا ناوەین ئاوای بلیجانکی و هاڤندکا دان.
