سوپای تورکیا دەسکەێدە گورز وەشانن و ئۆپراسیۆن سەربازیەیلی خەسترەو کەێد

شەفەق نیوز/ سەرچەوەیگ ئەمنی، ئمڕوو سێشەممە، خەوەردا فرۆکەیل تورکیا پەلاماریگ ئاسمانی خەسیگ ئەنجامدان و ناوچەیل سەر وە پەکەکە گردنە ئامانج لە زنجیرە کویەی "گارە" لەبان قەزای ئامێدی سەر وە پارێزگای دهۆک.سەرچەوەگە ئەرا ئاژانس شەفەق نیوز ئاشکرایکرد، " پەلامارەگە نزیک ئاوای "رزیکێ" بویە و زانیاری هویردیگ تا ئیسە وەردەس نییە لە بڕ زەردەیل گیانی و مادی گورزە ئاسمانیەگە.دیاریکرد سوپای تورکیا لەی ماوەی کۆتاییە پەلامارەیلی خەسترەو کردیە لە ئۆپراسیۆنەیل سەربازی ناوچەی "کویەی گارە" کە گورزەیل ئاسمانی و توپ وشانن گرێدە خوەی و ناوچەیلگ کە جی گرنگی ستراتیجین کەێدە ئامانج.