سه‌رۆكايه‌تى كوردستان په‌لاماره‌يل"مگێشيفه"شه‌رمه‌زار ئه‌كا: زه‌نگ گه‌فه ئه‌را گشتلايگ
شه‌فه‌ق نيوز/ سه‌رۆكايه‌تى هه‌رێم كوردستان، وه تونى په‌لاماره‌يل ريكخرياگ داعش له پاريزگاى سه‌ڵاحه‌دين شه‌رمه‌زار كرد ك له‌تى قوربانى له هيزه‌يل ئه‌منى عراقى كه‌فته‌وه.
سه‌رۆكايه‌تى هه‌رێم له به‌ياننامه‌يگ ك شه‌فه‌ق نيوز ئاگادارى بوى وت: وه تونى ئه‌و په‌لاماره‌يله شه‌رمه‌زار ئه‌كه‌يم ك له‌لايه‌ن تيرۆريسته‌يله‌و له ناوچه‌ى مگێشيفه‌ى سه‌ر وه سه‌ڵاحه‌دين ئه‌نجام درياو له‌تى شماره‌يگ سه‌رباز له هيزه‌يل ئه‌منى عراقى بوينه قوربانى.
جى باسه، سه‌رۆكايه‌تى هه‌رێم له به‌ياننامه‌گه‌ى وت: ئى په‌لاماره‌و په‌لاماره‌يل تر ك له‌ى دوياخره له‌لايه‌ن تيرۆريسته‌يله‌و ئه‌نجام دريان نيشانه‌ى مه‌ترسى فراوانكردن ئاست هه‌ڕه‌شه‌و جموجويله‌يل سه‌ربازى داعشه‌و زه‌نگ تر گه‌ف(ئنزار)ه ئه‌را گشتلايگ و نيشانه‌ى ئه‌وه‌سه تيرۆريسته‌يل سوود له بارودوخخراو عراق وه‌رئه‌گرن ئه‌را ريكخستنه‌وه‌ى رزه‌يليان و ئه‌نجامداين په‌لاماره‌يليان.
