سه‌رۆك هه‌رێم كوردستان ره‌سيه‌ به‌غدا

سه‌رۆك هه‌رێم كوردستان ره‌سيه‌ به‌غدا
2019-11-13T08:11:28+00:00

شه‌فه‌ق نيوز/ ده‌مه‌و شه‌وه‌كى ئمڕوو نێچيروان بارزانى سه‌رۆك هه‌رێم كوردستان وه‌ سه‌ردانيگ ره‌سيه‌ به‌غداى پايته‌خت.

 

بڕياره‌ بارزانى له‌ى سه‌ردانيه‌ ئه‌را به‌غدا چه‌وى بكه‌فێده‌ سێ سه‌رۆكايه‌تيه‌گه‌ ك پيكهاتنه‌ له‌ هه‌ريه‌ك له‌ به‌رهه‌م ساڵح سه‌رۆك كۆمار و محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل و عادل عه‌بدولمه‌هدى سه‌رۆك وه‌زيره‌يل و وه‌ليانا باس له‌ بارودوخ ئيسه‌ى عراق بكا بيجگه‌ تاووتويكرن ناكووكه‌يه‌يل و كاره‌يل په‌يوه‌س وه‌ كيشه‌يل ناونى هه‌ولێر و به‌غدا.

 

جى باسه‌، يه‌يش دويه‌مين سه‌ردان نێچيروان بارزانيه‌ ئه‌را به‌غدا له‌وه‌ختيگه‌و پۆست سه‌رۆكايه‌تى هه‌رێم كوردستان وه‌رگرتگه‌.

Shafaq Live
Shafaq Live