سه‌رۆك ته‌شيكى: توركيا تاوان جه‌نگ دژ كورد ئه‌نجام داگه
شه‌فه‌ق نيوز/ سه‌رۆك ته‌شيكى قسه وه وڵاته‌يل يه‌كگرتگ و يه‌كێتى ئه‌وروپا كرد له‌وه‌ر خيانه‌تكردنيان له كورد، دوياى ئه‌و پرووسه‌ى دوشمنكارانه‌ى سه‌ربازيه ك ره‌جه‌ب ته‌يب ئه‌ردۆباكوور خوه‌رهه‌ڵات سوريا ئه‌نجامى دا و تومه‌تبار ئه‌نقه‌ره‌يش كرد وه ئه‌وه‌گ ده‌سميه‌ت تيرۆريسته‌يل داگه له‌ڕێ ئه‌و په‌لاماره‌يليه له باكوور خوه‌رهه‌ڵات سوريا.
ميلۆش زيمان سه‌رۆك ته‌شيكى له لێدوانيگ ته‌له‌فزيۆنى وت: ئه‌ردۆغان ئويشێد كورده‌يل تيرۆريستن، وه‌لێ من باوه‌ڕ وه‌پى نه‌يرم، به‌ڵكوو وه‌چه‌واشه‌وه، من پرسيار ئه‌كه‌م ئايا ئه‌وانه كيين په‌لامار كورد ئه‌يه‌ن و تاوان جه‌نگ دڕندانه ئه‌نجام ئه‌يه‌ن جوور كوشتن هه‌فرين.
جى باسه، زيمان جه‌خت له‌وه‌يش كرد ئه‌نقه‌ره په‌يوه‌نديه‌يل پته‌ويگ وه‌ل ئسلاميه‌يل راديكاڵى خويناوى و بكوش ديرێد ك له‌باكوور خوه‌رهه‌ڵات سوريا ئه‌كه‌فنه وه‌رچه‌و و باوه‌ڕميش ئه‌وه‌سه توركيا تاوان جه‌نگ ئه‌نجام دا و باوه‌ڕميش ئه‌وه‌سه وه‌لاى كه‌مه‌و نه‌بايه‌د ئه‌ندام بدێ له يه‌كێتى ئه‌وروپا.
