سلێمانى.. هاووڵاتييگ تويشهاتگ وه‌ كۆرۆنا له‌ ئيران گله‌وخوارد ده‌سگير كريا

سلێمانى.. هاووڵاتييگ تويشهاتگ وه‌ كۆرۆنا له‌ ئيران گله‌وخوارد ده‌سگير كريا
2020-03-17T08:59:37+00:00

شه‌فه‌ق نيوز/ وه‌ڕيه‌وبه‌رايه‌تى پۆليس سلێمانى باس له‌وه‌ كرد مه‌فره‌زه‌يل به‌ش پۆليس له‌ پێنجوێن كه‌سيگ ده‌سگير كردنه‌ له‌ ئيرانه‌و هاتگه‌ ئه‌را سلێمانى وه‌ شيوه‌يگ ناياسايى و ده‌ركه‌فتگه‌ تويش ڤايرۆس كۆرۆناى تازه‌ بويه‌.

 

وه‌ڕيه‌وبه‌رايه‌تيه‌گه‌ له‌ به‌ياننامه‌يگ ك شه‌فه‌ق نيوز ئاگادارى بوێ وت: ئه‌و كه‌سه‌ دويه‌ له‌ ئيرانه‌و وه‌شيوه‌يگ ناياسايى هاته‌سه‌ ناو هه‌رێم و پۆليس پێنجوێن تويه‌نستگه‌ ده‌سگيرى بكاو دوياى په‌يجووريكردن وه‌ليا ده‌ركه‌فتگه‌ ك تويش ڤايرۆس كۆرۆنا بويه‌و ره‌وانه‌ى نه‌خوه‌شخانه‌ى تايبه‌ت وه‌ كۆرۆنا كرياگه‌.

 

جى باسه‌، به‌ياننامه‌گه‌ يه‌ش ده‌رخست ئه‌و كه‌سه‌ ناوى(أ. ج. أ) بويه‌و ته‌مه‌نى 24 ساڵه‌و خه‌ڵك قه‌زاى پێنجوێنه‌.

Shafaq Live
Shafaq Live