سلێمانی.. کپەوکردن ئاگر گەورەیگ لەناو درەخت و دارسانەیل سروشتی
2023-07-19T14:36:19+00:00
شەفەق نیوز/ وەڕیەوبەرایەتی پولیس دارسان و ژینگەی سلێمانی، ئمڕوو چوارشەممە، کپەوکردن ئاگریگ راگەیان ک ١٠٠ دۆنەم لە گژوگیای سروشتی و دارسانەیل لەناو سنوور ئاوایەیل بەرزنجە سزانیە.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: لە رووژ ١٨ی تەمووز، خەوەر لە هیزگردن ئاگریگ لە سنوور ئاوایەیل "ماياوا ومورياس" لە ناحیەی بەرزنجە رەسێ، و وەکوتپر مەفرەزەیگ لە بنکەی پولیس دارسان بەرزنجە روی وەرەو ئەو شوینە کرد.
وتیش؛ وەگەرد رەسین مەفرەزەگە، توەنستن وە هاوکاری ئاسایش بەرزنجە و پولیس و بەش دارسان لە ناحیەی بەرزنجە و هەمیش خەڵک دوو ئاواییەگە ئەو ئاگرە وەماوەی سێ ساعەت کپەو بکەن.
بەیاننامەگە وتیش؛ زەردەیل ئاگرەگە مەزەنە کریەێد زیاتر لە ١٠٠ دۆنەم لە کات و گژوگیا و دار درەخت سروشتی سزانیە، وتیش؛ هیمان هوکارەیل ئاگرەگە نادیارە، و لێکۆڵینەوە ئەرا رەسین وە بندروسی وەردەوامە.
