سلێمانی.. وەبی ڤاکسین کۆرۆنا مۆلەت کارکردن کۆمپانیاگان نوو نێکریەێد
شەفەق نیوز/ تەندروسی پارێزگای سلێمانی لە هەرێم کوردستان، ئمڕوو پەنجشەممە، بڕیاردا مۆڵەت کارکردن ئەرا ئەو کۆمپانیایلە نووەو نەکریەێد ئەگەر ئەوکەسەیلە کار لە کۆمپانیاگە کەن کارت واکسین کۆرۆنا نەیاشتوون.
وەگورەی بڕیاریگ وەلایەن تەندروسی سلێمانی دەرچگە، رەسیە ئاژانس شەفەق نیوز، بایەتە بازرگان و خاوەن کارەیل لە رووژ پەنجشەممە ۱۰ی شوبات ۲۰۲۲ ئاگادار کریەن ئەرا وەرگردن کارت ڤاکسین کۆرۆنا.
لە بڕیارەگە دووپات کەێد، ئەرا گشت سەردانکەرەیل و خاوەن کارەیل و بازرگانەیل مامەڵەی نووکردن و دەرکردن مۆڵەت و کارت تەندروسی کەن لە وەڕێەوبەراەتیەگە پارێزگاری تەندروسی بەش سەر وە چەودێری تەندروسی رەچاو رێنماییەیل تەندروسی بکەن وەگەردیا گرنگە کارت ڤاکسین داین گشت ئەو کەسەیلە لە کۆمپانیاگە کارکەن، وتیش، وەپیچەوانەوە مامەڵەیلیان نێکریەێد و مۆڵەت کارکردن وەپی نێدریەێد.
