سلێمانی.. هوشداری لە کاریگەری ١٠٠٠ تەن گەناڵخەی رووژانە لەبان ژینگە
شەفەق نیوز/ بڕیگ لە ریخریاگەیل کۆمەڵگای شارستانی لە باوەت ژینگە، ئمڕوو دووشەممە، هوشداری لە فڕەداین هەزاران تەن گەناڵخە لەبان ژینگە شار سلێمانی کردن.
حاجی خالد ئەنجام ریخریاگ مقەیەتیکردن ژینگە ئەرا ئاژانس شەفەق نیوز وت: رووژانە ١٣٠٠ تەن گەناڵخە لە سلێمانی گردەو کریەێد، و خریەێدە ناوچەی تانجەرۆ، دیاری کرد ک بەشیگ لە گەناڵخەی تەندروسی ک فڕە دریەێد وەگەرد خوەڵەگە تیکڵا بوود، و زەرەدەیل گەورەیگ وە ژینگە رەسنێد.
وتیش: بڕیگ لە ریخریاگەیل ژینگە سەردان ئەو شوینە کردنە ک لەناوی گەناڵخەی شارەگە گردەو کریەێد، و ئاشکرای رخەیل ژینگەیی و بڕ ئەو گەناڵخە کردن ل رووژانە لە شارەگە گردەو کریەێد.
خالد وتیش: ژینگە سلێمانی رووژ دویای رووژ گەنەو بوود، و یەیش مەترسی گەورەیگ لەبان تەندروسی مەردم دیرێد، و ئەوەیش لەوەر پشتگووشخستن لایەنەیل پەیوەندیدار.
دیاری کرد ک خەرج ساڵانەی گردەوکردن ئی گەناڵخە رەسێدە ٢٥ ملیار دینار، ٦٠ لەسەد لەی گەناڵخە خوەراکە، و بیس لەسەدی پلاستیکە، و ١٠ لەسەد گەناڵخەی تەندروسیە.
خالد ئاشکرا کرد ک ٥٠ تەن لە گەناڵخەی تەندروسی لە خەسەخانەیل حکومەتی فڕە دریەێد، و ١٥ لەسەدی لە خەسەخانەیل تایبەت.
حاجی دیاری کرد ک بڕیگ لەو گەناڵخەی تەندروسیە وەئاگر لەناو نیەچوود، و دویای یەک مانگ نریەێدە چاڵ، و فرەجاریش ئی گەناڵخە نیەنریەێدە چاڵ و هەر جویر خوەی مینێد، و یەیش هەڕەشەی گەورەیگە لەبان ژینگەی سلێمانی.
