سلێمانی مردن کاریکاریگ بیناسازی توومار کەێد و ئامارەگە لە سەر ساڵەو تا ئیسە رەسێدە ١٩ قوربانی
عوسمان حەمە سەعید سەرۆک سەندیکای کریکارەیل بیناسازی لە سلێمانی لە کۆنگرەیگ رووژنامەوانی ئاژانس شەفەق نیوز ئامادەی بوی وت: دویەکە کراکاریگ بیناسازی وەناو عەلی خەلیف عەلوش لە تەمەن ٢١ ساڵان ڕەگەزنامەی سوری لە پڕۆژەیگ لە سلێمانی گیانی لەدەسدا.
وتیش؛ لە دویەکەو تا ئیسە لەڕی دەسەیگ هاوبەش لە قایمقامیەت سلێمانی و سەندیکای کراکارەیل بیناسازی، دەرکەفت کە نەوین بیوەیی پیشەیی خوەی بویە مدوو کوشیان ئی کراکارە، و مردن کراکارەیل ئامار قوربانیەیل کریکاری لە یەکەمین دە مانگ لەی ساڵە رەسیە ١٩ کریکار ١٠ لەلیان لە دەیشت هەرێم و عراقە.
عوسمان دیاری کرد کە سەندیکای کریکارەیل و ئەرا چەن جاریگ داوا لە وەزارەت کار کرد دەسەیگ دروس بکەێد ئەرا وەشوینکەفتن میکانزمەیل بیوەیی پیشەیی لە شوینەیل کار باوجی تا ئیسە هویچ دەسەیگ دروس نەکریایە ئەرا وەشوینکەفتن خوازینەیل بيوەیی پیشەیی لە شوینەیل کار دروس نەکریایە.
سەرۆک سەندیکای کریکارەیل بیناسازی لە سلێمانی داوای دروسکرن دەسەیگ لە گشت پڕۆژەیل کرد کە ئەرکی هووشیاریکردن کریکارەیل بە بیوەیی پیشەیی بوود، کە ئەرکدار نەکریایە، و ئەرا زانیاری یاسای کار پابەند خاوەن پڕۆژەیل کەێد ئەندازیاریگ بیوەیی لە گشت پڕۆژەیگ دانەن.
عوسمان دووپات کرد کە فرەی پڕۆژەیل لە سلێمانی گشت خوازینەیل بیوەیی و تەندروسی لە شوین کار نەیرن، و یە مدوو سەرەکیە لە زیایبوین قوربانیەیل کریکاری لە شوینەیل کار.
