سلێمانی میوانداری کۆنفرانسیگ ناودەوڵەتی ئەرا توێژینەوەی زانستی و کۆمەڵایەتی کەێد (وینە)
شەفەق نیوز/ ئمڕوو چوارشەممە، لە زانکۆی سلێمانی، وە بەشداری فراوان لەلایەن دامەزراوە ئەکادیمی و حکومییەیل هەرێم کوردستان، چالاکییەیل دویەمین کۆنفرانس ناودەوڵەتی ئەرا توێژینەوەی زانستی و کۆمەڵایەتی دەسوەپی کرد.
ئامانج کۆنفرانسەگە بەرزکردن هاریکاری ناوین توێژەرەیل و دامەزراوە زانستییەیل لە بوارەیل توێژینەوەی کۆمەڵایەتی و زانستی.
پەیامنێر ئاژانس شەفەق نیوز لە سلێمانی وت: کۆنفرانسەگە وە سەرپەرشتی دکتۆر کۆسار محمد عەلی موراد سەرۆک زانکۆی سلێمانی وە ئامادەبوین پارێزگار سلێمانی هەڤاڵ ئەبوبەکر و وە بەشداری شمارەیگ فرە لە توێژەرەیل و پسپۆڕەیل ناو و دەیشت عراق وەڕیەو چوود، کە وە درویژایی ڕووژەیل کۆنفرانسەگە چەن توێژینەوەیگ باس کریەن کە پرسە کۆمەڵایەتی و زانستییە گرنگەیل گرێدەو.
وتیش: کۆنفرانسەگە چەن دانیشتنیگ لەخوەی گرێ. کە باس لە باوەتەیلیگ جویراجویر کەێد جویر پەروەردە، تەندروسی گشتی، ئاڵشتبویەیل کۆمەڵایەتیی، کە دەرفەتیگە ئەرا وەیەکدان ئەزموون لە ناوەین ئەکادیمیستەیل، یەیش هاوکاری زانستی ناوەین وڵاتەیل ناوچەگە بەرزەو کەێد.
کۆنفرانسەگە پیشکەشکردن و وۆرک شۆپ لەخوەی گرێد کە رووشنایی خەێدە بان پەرەپیدان توانایل توێژەرەیل، و تواناسازییان ئەرا بەشداریکردن لە بوارەیل توێژینەوە کە پاڵپشتی گەشەپیدان کۆمەڵایەتی و ئابووری وڵاتەیلیان کەن.
کۆنفرانس نێودەوڵەتی ئەرا توێژینەوەی زانستی و کۆمەڵایەتی لە زانکۆی سلێمانی یەکیگە لە دیارترین بوونە ئەکادیمییەیل هەرێم کوردستان، و ئامانجی پتەوکردن پەیوەندی ئەکادیمییە لە ناوەین توێژەرەیل وڵاتەیل.
کۆنفرانسەگە بەشدارە لە وازکردن کەناڵەیل هاوکاری توێژینەوە لە ناوەین دامەزراوە ئەکادیمییەیل، لە گرنگیدان وە ڕۆڵ توێژینەوەی زانستی لە پەیاکردن چارەسەر ئەرا ئاستەنگە کۆمەڵایەتی و ئابوورییەیا ئیسە.
