سلێمانی.. لەماوەی ساڵ 2023 یەک ملیۆن مەتر چوارگووشە لە مین پاکەوکریاس
2024-01-15T09:19:17+00:00
شەفەق نیوز/ وەڕێوەبەرایەتی گشتی کاروبار مین لە حکومەت هەرێم کوردستان، ئمڕوو دووشەممە، راگەیان زیاتر لە یەک ملیۆن مەتر چوارگووشە زەوی سلێمانی و دەوروگەردی لە مین و تەقەمەنی جەنگی نەتەقیای پاکەوکریایە لەماوەی ساڵ گوزەشتە.
وەڕێوبەر وەڕێوەبەرایەتیەگە محسن عەبدولکەریم لە کۆنگرەیگ رووژنامەوانی کە ئاژانس شەفەق نیوز ئامادەبوی وت، "ئۆپراسیۆن پاکەوکردنەگە لە چوارچمگ کابینەی نۆیەمە، یەیش لە ئەوپەر گرنگیدانە وە سەلامەتی هەوڵاتیەیل هەرێم".
وەڕێوەبەرایەتیەگە وتیش، "یەک ملیۆن و97 هەزار و622 مەتر چوارگوشە لەماوەی ساڵ وەرین لە مین پاکەوکریانە، 6066 مین و تەقەمەنی جەنگی پویچەوکریایە"، دیاریکرد "8 حالەت مردن و 4 زەخمداری بوین وە مین توومارکریایە، کە سێ کەس لە پێنجوین مردیە، حالەتیگیش لە هەڵەبجە، یەکیگیش لە سەنتەر سلێمانی و یک حالەت لە شارباژێر بویە، لەباوەت کەلەمەداربوینەیل وەی جویرە دابەش بوود دوو حاڵەت شارباژێر، دووانیش لە دەربەندیخان".
