سلێمانی...لە رووژەیل جەژن زیاتر لە 8000 کەس سەردان خەسخانەیل کردیە
2022-07-13T12:51:50+00:00
شەفەق نیوز/ وەڕیەوبەرایەت تەندروسی سلێمانی، ئمڕوو چوارشەممە، راگەیان لە چوار رووژ جەژن زیاتر لە 8000 بیمار سەردان خەسەخانە و سەنتەرەیل شار سلێمانی کردنە.
وەڕیەوبەرایەتیەگە له بەیاننامیگ ئمڕوو راگەیان، لە ماوەی چوار رووژ جەژن وە تەقەلا و شەکەت بوین پزیشک و سەرجەم کارمەنەیل کەرت تەندروسی لە گشت خەسخانە و سەنتەر و کلینکەیل وە شیوەی فرە خاسیگ خزمەتگوزاری تەندروسی پیشکەش وە هاوڵاتیەیل کریایە.
راگەیانیش، لە چوار رووژ جەژن 8449 بیمار سەردان خەسخانە و سەنتەرەیل شار سلێمانی کردنە.
