سلێمانی قەیەغەی پڕۆپاگەندەی جگارەی ئەلیکترۆنی کەێد و نوای فرووشتنی وە ناخاڵەێل گرێد
شەفەق نیوز/ قایمقام سلێمانی، ئمڕوو پەنجشەممە، دووپات کرد ک ئەوەسا قەیەغەی هەر پڕۆپاگەندەیگ ئەرا جگارەی ئەلیکترۆنی لەناو سۆشیال میدیا یا میدیایل راگەیانن کریەێد.
ئاوات محمد قایمقام سلێمانی لەناو گردەوبوینی وەرد دەسەیل هاوبەش ک ئاژانس شەفەق نیوز ئامادەی بوی وت: هەر کەسیگ پڕۆپاگەندە ئەرا جگارەی ئەلیکترۆنی بکەێد یا بفرووشێدەی ناخاڵەیل خوار ١٨ ساڵان، کەفێدە وەر سزای یاسایی سەختیگ.
وتیش: دەسەیل هاوبەش گرفتیگ ئەرا خاوەن دوکان وبازرگانەیل نیەکەن، وەلێ بایەتە کار بازرگانی خوەیان وەگورەی یاسا وەڕیەو بوەن.
هەمیش وت: بەشیگ لە خاوەن دوکانەیل جگارەی ئەلیکترۆنی فرووشنە مناڵەیل و چەوپووشی لە تەمەنیان کەن، و یە پێشێلکردنە ئەرا یاسا.
قایمقام سلێمانی لە گردەوبوینەگە ڕینمایی زیایکردن چاودیارییان و قەیەغەی پڕۆپاگەندە لەبان سۆشیال میدیا و فرووشتن جگارەی ئەلیکترۆنی و هەر دوکانێک یا بازاڕێگ ئی جگارە وە مناڵەیل بفرووشێد بایەتە بکەفێدە وەر سزای یاسایی سەختیگ.
لەلای خوەییش، رێکان جەماڵ سەرک دەسەی هاوبەش وت: پەیمان یاسایی لە سەرچەوە و سەرمایەدارەیل فەەیگ بردیمن ک لەبان سۆشیال میدیا پڕۆپاگەندە ئەرا جگارەی ئەلیکترۆنی کردنە ک گلەیگتر ئی کارە دووارەو نەکەن، وەنە کەفنە وەر سزای یاسایی سەختیگ.
