سلێمانی.. پێشانگایگ ئەرا پتەوکردن پەیوەنی ناوەین خوەنەوار و کتاو (وینە)
2024-07-23T21:11:53+00:00
شەفەق نیوز/ کۆمەڵیگ لە چاپخانە و بنکەیل رووشنهویریلە سلێمانی، ئمڕوو سێشەممە، پێشەنگایگ کتاو ئەرا خوەنەوارەیل زانکۆ و پەیمانگاگان و دوسدارەیل خوەنین وازکردن.
سەر پەرشتیار پێشانگاگە نەوزاد غەریب لە بەیانیگ وە ئاژانس شەفەق نیوز وت، "ئامانج لەی پێشانگایە دوارە دروسکردن پەیوەنیە لەناوەین خوەنەر و کتاو لەری سوود وەرگردن لە پشووی تاوسانە کە چین خوەنەوارەیل سرەقال خوەیان بکەن".
وتیش " پێشانگاگە زیاتر لە 2000 کتاو لە باوەتەیل جیاواز گرێدە خوەی جویر زانست و تەکنەلۆجیا و پزیشکی و ئاینی و فەلسەفە و زانستە مرۆڤایەتیەگان و زوان، پێشانگاگە کتاوەیل وە زوانەیل کوردی عەرەبی ئینگلیزی گرێدەخوەی".
وتیش "پێشانگاگە ماوەی پەنج رووژ وەردەوامە و تەقەلا دەێد بەشیگ لە خوەنەوارەیل زانکۆ و پەیمانگایەیل وەرەو لای خوەی بکیشێد تا کەمیگ چێژ وەپیان بوەخشێد لەری زانیاری وەرگردن لە دەق کتاوەیل.
