سلێمانی سیمیناریگ ئەرا نەزوکی و شیوەیل دەسمیەتیداین لە زاوزی وەخوەی گرێد.. وینە
![سلێمانی سیمیناریگ ئەرا نەزوکی و شیوەیل دەسمیەتیداین لە زاوزی وەخوەی گرێد.. وینە](https://media.shafaq.com/media/arcella/1685628049719.jpg)
پەیامنێر ئاژانس شەفەق نیوز راگەیان؛ سیمینارەگە لە فێند گراند میلینیۆم ئەرا باسکردن لە نووترین زانستی بوار پزشکی سەردەم، وە سەرپەرشتی پزشک پسپۆڕ لە نەزوکی و IVF، وە ئامادەبوین تیم پزشکی پسپۆڕ و بڕیگ پزشک پسپۆڕ لە بوار پزشکی زاوزی.
زەیان ئەحمەد عەبدولڵا، خانمە پسپۆڕ بوار نەزوکی، وIVF، و پزشک مناڵ زایین و ژنەیل ئەرا شەفەق نیوز وت: "لە سیمینارەگە باس لە بوار نەزوکی و مناڵ ناو لویلە وەگەرد پسپۆڕە پزشکەیل عراقیش دویاترین پیشهاتە پزیشکیەیل ئی بوارە کریا".
وتیش: "نووڕین وە دویاترین ئەنجامەیل زانستی کریا کە لە وڵاتەیل پێشکەفتگ وەکار هاوریاگە، هەرلیوا، ئاست خزمەتگوزاریەیل پزشکی بەرزەو کریا لە باوەت چارەسەرکردن نەزوکی و دیرکەفتن منداڵبوین، و تەکنیکە مۆدێرنەیل زاوزی، و پەیوەندی نەزوکی وە بڕیگ بیماری و رەفتار هەڵە".
هەمیش وت: "هوکارەیل نەزوکی چوودەو ئەرا چەن هوکاریا، گرنگتریان باری دەروونیە، خوارد و نووشین ماددە هووشبەرەیل، مەی، جگارە و قلیان، یەیش بیجگە بەشیگ لەو ناوچەیلە کەفتنە وەر بمباران جەنگەیل وە تایبەت ئەوانەگ کەفتنە وەر بمباران ئەمریکا، بەشیگ لە پیاوەیل وەدەس نەزوکی هاوار کەن".
تەیسیر قەلارسی، پسپۆڕ نەزوکی لە ئوردن، ئەرا ئاژانس شەفەق نیوز وت: "ئیسە یەکیگ لە نووترین نەشتەرگەریەیل زاوزی دەسمیەتیدەر لە جەهان ICSI ئەرا کوورپەی خا یا لویلەی تاقیکردنەوەس".
وتیش: "پرۆسەگە دویای گامەیلیگ دەسوەپی کەێد یەکەمان وەرگردن ئەو ژن و شویە لە کلینیک پزشکی پسپۆڕ و وەرگردن تەمەی لەوانەگ ژیاننامەی پزشک و وەشکین گشتی و وەشکین تاقیگەیی کردنە، و گام دویەمیش دویای هەڵسەنگاندن حاڵەتەگە و. بڕیاردان ئەرا چگنی وە ناو پرۆسەی ICSI."
قەلارسی دیاری کرد ک " ئیجا گورجەو کریەێد وە مادەی هاندەر وە ژنەگە لە 10 تا 14 رووژ، ئەرا هۆرمۆنەیل لە لەش ژنەگە هەن، بەڵام لە دەیشت تیەرنەی، تا رێژەی خا زیای بکەێد ک خادان بتوەنێد بەرهەمی بکەێد، چوینکە وەگەرد زیادبوین شمارەی خا، شمارەی ئەو کوورپەیلە زیای کەێد، ک ئەرا منداڵدان گلەو دریەن، و دەرفەت دووگیانی زیای بوود.
لەباوەت گرنگی سیمینارەگە، پزشک نەشتەرگەری گشتی، مەعەن عامر محمد، ئەرا ئاژانسی شەفەق نیوز وت: "لە وەشوینکەفتن نووکاریەیل زانستی زاوزی یا دەسمیەتیداین زاوزی، وەتایبەت لەی سەردەمە ک هوکارەیل بی منداڵبوین هاتیەسە زیایبوین."
لە کۆتایی وتیش: "هەمیش وەدەسهاوردن شارەزایی و زانستی لەی پسپۆڕی ناسکە لەڕی ئاڵشتکردن ئەزموونەیل لە ناوەین شارەزایل پزشکی و ئەزموون نوو".