سلێمانی زیاتر لە ١٦٠٠ تویشهاتن وە زگچین و وڕبوین لەناو مناڵەیل وەماوەی یەک مانگ توومار کەێد
![سلێمانی زیاتر لە ١٦٠٠ تویشهاتن وە زگچین و وڕبوین لەناو مناڵەیل وەماوەی یەک مانگ توومار کەێد](https://media.shafaq.com/media/arcella/1694350390442.jpeg)
2023-09-10T12:53:27+00:00
شەفەق نیوز/ وەڕیەوبەرایەتی تەندروسی سلێمانی، ئمڕوو یەکشەممە، توومارکردن زیاتر لە ١٦٠٠ تویشهاتن وە زگچین و وڕبوین و هشکەوبوین لەناو مناڵەیل و تەنیا مانگیگ راگەیان.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: لە مانگ ئاب گوزەشتە، ١٦٨٠٨ مناڵ بیمار سەردان خەسەخانەس جەماڵ رەشید کردنە، ١٦٨٩ مناڵ لەناویان تویش زگچین و وڕبوین و هشکەوبوین هاتوێن.
لە هەفتەی گوزەشتە، وەڕیەوبەر گشتی تەندروسی سلێمانی راگەیان کە تەندروسی وەگەرد گشت بیمارەیل زگچین و وڕبوین جویر تویشهاتن کولێرا رەفتار کەێد، کە لەی دویاییە لە سلێمانی و ناوچەیلیگ ترەک لە هەرێم کوردستان بڵاو بوی.