سلێمانی ئەرا نواگردن زگچین وهەڵاوردن پشت وە دوو پرۆتۆکۆل بەسێد

شەفەق نیوز/ وەڕێەوبەرایەتی گشتی تەندروسی لە پارێزگای سلێمانی، ئمڕوو پەنجشەممە، میکانزمی دیاریگ ئەرا نواگردن تویشهاتنەیل زگچین وهەڵاوردن لە پارێزگاگە راگەیان، ودیاری کرد ک ئەوەسا پشت وە دوو پرۆتۆکۆل جەهانی وعراقی ئەرا نواگردنی بەسێد. 

وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: وئامانج پەیاکردن میکانیزمیگ گونجیاگ ئەرا نواگردن زگچین وهەڵاوردن، بڕیار پشتبەسان وە پرۆتۆکۆل ریخریاگ تەندروسی جەهانی (who)، و وەزارەت تەندروسی فیدراڵی و تەندروسی هەرێم کوردستان دا، ئەرا چارەکردن تویشهاتنەیل لە پارێزگای سلێمانی.  

پارێزگای سلێمانی، زیاتر لە ٥٠٠ تویشهاتن وە زگچین وهەڵاوردن وەگەرد کولێرا توومار کرد، ک ئەرا نزیکەی هەفتەیگە سەختەو بویە،  باوجی فرەی بیمارەیل دویای وەرگردن چارەسەری لە خەسەخانەیل دەرچگن.