سلێمانی.. دوو توومەتبار وە نزیکەی شەش هەزار دۆلار و 60 مسقاڵ تەڵا دەسگیرکریان
2024-07-31T08:22:13+00:00
شەفەق نیوز/ پۆلیس پارێزگای سلێمانی، ئمڕوو چوارشەممە، دەسگیرکردن دوو توومەتبار راگەیان و دەسگرد وەبان بڕێگ تەڵا و پویل کە وەپیان بویە.
وەڕێوەبەرایەتیەگە لە بەیاننامەیگ راگەیان، "دویای ئەوەگ هاوڵاتییگ سکاڵا توومارکرد لە کویچەی کانی با لەشار سلێمانی دزی لەلیکریایە، مەفرەزەیل نویسینگەی نەهیشتن تاوان ئیبراهیم ئەحمەد لێکۆڵینەوە و وەدویاچگن دەسوەپیکردن و دوای وەرگردن بڕیاردادوەر توەنریا وەلایەن نویسینگەی نەهیشتن تاوان ئیبراهیم ئەحمەد توومەتبارەیل پەیابکریەن و دەسگیربکریەن".
ئاشکەرایکرد، لەوەخت دەسگیرکردنیان دەسگیریاس وەبان بڕ 60 مسقاڵ تەڵا، پەنج هەزارو 100 دۆلار و دوو ملیۆن و 850 هەزار دینار.
دیاریکرد، تا ئیسە توومەتبارەیل وە بڕیار دادوەر و وەپای مادەی 443 لەیاسای سزادان عراقی راگیریانە و دان نانە وە تاوانەگەیان.
