سلێمانی دووپات لە پشتگیریکردن پڕۆژەی نا مەرکەزی لە هەرێم کەێد
شەفەق نیوز/ هەفاڵ ئەبوبەکر وەرپرس حکومەت خوجێی لە پارێزگای سلێمانی، ئمڕوو جمعە، پشتگیریکردن پارێزگاگە ئەرا پڕۆژەی نامەرکەزی ئیداری لە هەرێم کوردستان نووەو کرد، و لە خود وەختەگە پشتگیری لە هاتنەوەی دەوام لە مەکتەوەگان ئەرا مانگ شوبات کرد.
ئەبوبەکر لە کۆنگرەیگ رۆژنامەوانی لەپشت دەسکردن وە پڕۆژەی (بڕاند بازاڕ) ئمڕوو، لە سلێمانی وت: پشتگیری لە پڕۆژەی نامەرکەزی ئیداری لە هەرێم کەیمن، ک ئامانج کەمەوکردن رۆتین و خاسەوکردن رەوش خزمەتگوزاری کەێد.
دەربارەی هاتنەوەی دەوام لە مەکتەوەگان هەرێم وەرجە مانگ ئادار، پارێزگارەگە وت: لە سەرەتاوە بڕوا وە وەردەوامبوین لە خوەنەواری لە هەرێم وەگەرد پابەندبوین وە ریکارە مقەیەتیەگان داشتیمن، بەڵکم وسانن خوەنستنەگە زەرەد گەورایگ دیرێد ک لە زەرەدەیل ڤایڕۆس کۆڕۆنا فرەترە.
ئەبوبەکر داوا کرد ک گرنگە دەسەی حکومەتی باڵای دژە ڤایڕۆس کۆڕۆنا لە هەرێم کوردستان لە ماوەی مانگ شوبات ئایندە کۆبونەوە بکەێد، و بڕیاریگ دەربارەی هاتنەوەی دەوام لە مەکتەوەگان بیەێد.
