سلێمانی داوا لە حکومەت عراق کەێد جوور پارێزگای ١٩ وەگەرد هەڵەبجە رەفتار بکەێد
شەفەق نیوز/ ئەنجومەن پارێزگای سلێمانی، ئمڕوو پەنجشەممە، داوا لە حکومەت فیدڕالی کرد جوور پارێزگایگ وەگەرد هەڵەبجە رەفتار بکەێد.
ئازاد حەمە ئەمین سەرۆک ئەنجومەنەگە لە کۆنگرەیگ رۆژنامەوانی وت: هەر پوستیگ ک ئیسە وە شیوەی جیگری لە پارێزگای هەڵەبجە و ئیدارەیل راپەڕین و گەرمیان وەربگریەێد نایاساییە.
وتیش؛ وەڕێۆبردن پۆستەیلە وەشیوەی گیگری بایەتە لە وەختیگ دیاریکراگ بوود، وەلی وەداخەو ک ئیسە ئەرا چەن ساڵیگە ئی پۆستەیلە وەردەوامن.
حەمە ئەمین نشان دا ک ئەنجومەن پارێزگای سلێمانی دژوە وەرگردن پۆستەیلە وەشیوەی جیگری وەربگریەن،و داوا لە حکومەت هەرێم کوردستان کرد دووارە بنووڕێدە ئی باوەتە، و هیچ پۆستیگ وە شیوەی جیگری لە هەڵەبجە نەمینێد.
دەربارەی رەفتار وەگەرد هەڵەبجە جوور پارێزگایگ عراقی، سەرۆک ئەنجوومەنەگە وت: دەستور عراق ری وەیە دەێد، و داوا لە حکومەت فیدڕالی کرد جوور پارێزگایگ عراق وەگەرد هەڵەبجە رەفتار بکەێد، و وتیش: سەرۆک کۆمار لەبان ئی باوەتە کار کەێد.
