سلێمانی...دەمەقاڵیگ ناوبەین ئاسایش و هیزەیل ئەمنی رەسیەس ئەرا تەقەکردن وە ئاسمان
2023-06-25T08:31:29+00:00
شەفەق نیوز/ وەچەودیەیل و سەرچەوەیل ئەمنی، ئمڕوو یەکشەممە، خەوەردان دەمەقاڵی لەناوبەین هیزەیل ئاسایش و هیزەیل ئەمنیتر دروسبویە لە سلێمانی و رەسیە ئەرا تەقەکردن لە ئاسمان.
وەچەودیەیل وە ئاژانس شەفەق نیوز وتن : شەوەکی ئمڕوو دەنگ تەقەکردن ژنەفتنە لە جادەی مەلیک مەحموود لەناوڕاس سلێمانی، وەبی ئوەگ هووکاری بزانن".
دیاریکرد "ئەو جادەی دەنگ تەقەکردنەگە لەلی ژنەفیاس هێزەیل ئەمنی لە رزە جیاوازەیل لەورا بوینە".
لەلایگیش سەرچەوەیگ ئەمنی وە ئاژانس شەفەق نیوز وت، " هووکار تەقەکردنەگە ئەوە بویە یەکیگ لە هیزەیل ئەمنی پیچەوانەی ئاڕاستەی ریەگە چگە لەنوای هیزەیل ئاسایش لەدویای دەمەقاڵی تونیگ لەناوبەین هەردوگ هیز تەقەکریاس لە ئاسمان".
