سلێمانی دەسنشان جیگربوین نرخ کاڵا و چشتەیل خواردەمەنی کەێد هەرچەن دۆلار بەرزە
2023-01-05T13:06:28+00:00
شەفەق نیوز/ وەڕیەوبەرایەتی چەودیاریکردن بازرگانی لە پارێزگای سلێمانی، ئمڕوو پەنجشەممە، راگەیان ک نرخ کاڵا و چشتەیل خواردەمەنی لە سلێمانی وەگەرد بەرزەوبوین نرخ دۆلار وەرانوەر پویل خوەمانی گرانەو نەویە.
وەڕێەوبەرایەتیەگە لە بەیاننامەیگ رەسیە ئاژانس شەفەق نیوز وت: داوەزین نرخ دینار عراقی نرخ چشتەیل خواردەمەنی لە بازاڕەیل سلێمانی گرانەو نەکرد، باوجی هیمان ئەمارەیل پڕن لە کاڵا و شمەک و وەنرخ جاران.
بەیاننامەگە وتیش: وەگەرد ئەوە ک ئەمارەل پڕن لە کاڵا و چشتەیل خواردەمەنی ک وەنرخیگ لە ئیسە ئەرزانتر سەنیانە، بەشەوکردن بەش مانگانەی خوەراک لە کارت تەموین وەردەوامە، ئەراوە نرخ خوەراک بەرزەو نەویە.
